Өңір кәсіпкерліктің саны бойынша республикада көш бастап тұр. Шағын және орта бизнестің қарқынды дамуының нәтижесінде бүгінде олардың қарасы 147 мыңнан асты. Пандемияға қарамастан былтыр жалпы кәсіпкерліктің саны 6,8 мыңға артқан. Өндірілген өнім көлемі 47%-ға ұлғайып, 1,2 трлн. теңгеге жетті. Бұл жөнінде облыс әкімі Өмірзақ Шөкеевтің төрағалығымен өткен апталық аппарат мәжілісінде баяндалды.

Атап өтерлігі, өткен жылдың қорытындысымен шағын және орта бизнестің экономикадағы үлесі 26%-ды құрап, алдағы төрт жылдық көрсеткіш асыра орындалып отыр. «Қарапайым заттар экономикасы» арқылы бүгінгі күнге 42,9 млрд. теңгеге 315 жоба қаржыландырылып, бағдарламаны жүзеге асыру жөнінен Түркістан облысы – алдыңғы қатарда.

Оған қоса «Бизнестің жол картасы 2025» бағдарламасы да ширақ орындалуда. Бағдарлама бюджеті биыл 43%-ға артып 11,6 млрд. теңгеге жеткен. Қазіргі таңда несиелеу жұмыстары басталды.

2022 жылға бюджеттен бөлінген қаражат шеңберінде несиелерді субсидиялау арқылы кәсіпкерлерге жеңілдетілген 6%-бен 40 млрд. теңгеге несие беру мүмкіндігі бар. Жеңілдетілген несиелерді кәсіпкерлерге барынша бағыттау үшін аудан және қала әкімдіктерімен жұмыстар жүргізілуде.

Облыс әкімі Өмірзақ Шөкеевтің бастамасымен жергілікті деңгейде бірқатар жобалар іске қосылып, сәтті жүзеге асырылуда. Ірі кәсіпкерлердің көмегімен микробизнесті, стартаптарды қолдау мақсатында өңірде «Кәсіпкерлік қырандары» жобасы бастау алған-ды. Жобаның арқасында 16 стартап жобаларға менторлар қолдау көрсетті. Жоба жалғасын табады.

«Бастау Бизнес» түлектерін қаржыландыру мақсатында «Атамекен – Түркістан» микроқаржы ұйымы құрылған болатын. «Бастау Бизнес» түлектеріне бүгінгі таңға 1,4 млрд. теңге несие берілген, оған қосымша 1,1 млрд. теңгеге несиелендіру жалғасуда.

Сондай-ақ «Керуен Сарай» және «Эко Базар» саудагерлеріне арналған «YassyBusiness» бағдарламасы іске асып жатыр. Қазіргі таңда 180 млн. теңгеге 10 жоба қаралуда. Бағдарламаның жалпы қаржысы — 1 млрд. теңге, оның ішінде 330 млн. теңгесі — жергілікті бюджеттің, 670 млн. теңгесі — «Даму» қорының қаржысы. Бағдарлама шеңберінде кәсіпкерлерге 25 млн. теңгеге дейін 7 жылға 4%-бен несиелер беріледі.

«AQ-QARA.KZ»-ақпарат.

ҚАДІРЛІ ҚАУЫМ!

Баршаңызды мұсылман қауымы үшін ең ұлық Құрбан айт мерекесімен құттықтаймын! Құрбан айт – адамдардың бір-біріне деген мейірімін оятатын, көмекке мұқтаж жандардың қажетін өтеуге мүмкіндік туғызар маңызды мереке. 

Арыс қаласында атқарылып жатқан жұмыстар мен мәліметтер шынайы әрі ашық болуы керек. Бүгін облыс әкімі аппаратының кезекті селекторлық жиынында өңір басшысы Өмірзақ Шөкеев осылай деді. Қорға аударылған қаржы мен мемлекет тарапынан берілетін әрбір қаражат та қоғам назарында болады. 

Бүгін Түркістан облысының әкімі Өмірзақ Шөкеев Арыс қаласындағы құрылыс-жөндеу жұмыстары жүріп жатқансекторлардың жұмысымен танысты. Әрбір облысқа қарасты тұрғын үйлерді аралады. Өңір басшысы әуелі Жамбыл облысы штабына аялдап, жұмыстобымен кездесті. Облыс әкімі жөндеу жұмыстары бойынша әрбір штаб онлайн жүйеде есеп беріп отыру қажеттігін айтты. 

«Nur Otan» партиясы төрағасының 1-орынбасары Мәулен Әшімбаевтың, «Nur Otan» партиясы Түркістан облыстық филиалының төрағасы Өмірзақ Шөкеевтің, «Nur Otan» партиясы Созақ аудандық филиалының төрағасы Салыхан Полатовтың назарына! 

«Қазақстан Республикасының Әкімшілік-аумақтық құрылысы туралы» Заңының тоғызыншы бабына сәйкес, Мемлекет басшысы Нұрсұлтан Назарбаевтың Шымкент қаласына республикалық маңызы бар қала мәртебесін беріп, ал облыс орталығын Түркістан қаласына көшіріп, өңірді Түркістан облысы деп атау туралы Жарлыққа қол қойғанына да 9 ай толғалы жатыр. 9 айдың ішінде Түркістан облысының өмірінде бірқатар оң өзгерістерге талпыныс жасалып, киелі шаһарды түлету үшін талай-талай тірліктердің іргетасы қалануда. Тіпті 9 айдың ішінде өңірге екі әкім тағайындалып үлгерді. Бірақ өзгермеген бір нәрсе бар. Ол – Түркістан облысы әкімдігінің ресми интернет-ресурсы! 

Таяуда ҚР Премьер-министрінің орынбасары – Ауыл шаруашылығыи министрі Өмірзақ Шөкеев Түркістан облысына жұмыс сапарымен келгені белгілі. Сапарының басында ол алдымен Ордабасы ауданындағы «KazKioti» трактор зауытында болды. Қазір аталмыш кәсіпорыннан трактор алатын шаруаларға «ҚазАгроҚаржы» қаржылық компаниясы арқылы несие беру шаралары қолға алынуда екен.